-
Main hoon tum ho aur batein yahi hai,
Fursat bhi ho to milne wo aate nahi hai..

Mukhtasar rakhna hai khud ko bundo se hamesha lekin,
Jee karta hai bheeg jau barsatein yahi hai..

Khyal achha hai kahi bhatak jane kaa,
Hum roshni se mehroom hai aur ratein yahi hai..

Ab kise mile jannat aur kise dozakh mile,
Hum bhi yahi hai aur jamatein yahi hai..

Kuch badla to nahi aur pehle jaisa bhi nahi..
Sab sochte hai hamare khayalatien yahi hai..!!

Comments

Post a Comment

Popular posts from this blog

-
Kuch khwahishe meri zameen se hai, asmaan kya karu.. Main khuli kitaab ke panno sa, tujhe hairaan kya karu.. Badal liye tumne raste, har mod pe is safar ke.. Dhool udi aur mit gaye, tere nishaan kya karu.. Sambhal ke rakhe hai maine, ab tak ek kone me.. Kuch besh-kimati se bache, tere samaan kya karu.. Hua krte the shumar, mere ajeez logo me tum bhi.. Ab badle se lagte ho, aa gya gumaan kya karu.. Zamane ki fikr chhod kbhi, khud ki awaaz to suno.. RiwayatoN ne jo badli, tumhari zubaan kya karu..!!
Read more
-
Batein sun khamoshion ki kuch seekhta jaa raha hu, Mai soch raha hu mann aur likhta jaa raha hu... Mujhe kya maaloom kya ajmat hai kohinoor ki, Mai to mamuli sa patthar hu bikta jaa raha hu... Har roz wo andhi kuch tabah kar chali jati hai, Mai ik sookh chuka patta hu, tikta jaa raha hu... Kya tazaurba rakhte hai log wo jo asmaa me udte hai, Mai to apne hi libaas me simat'ta jaa raha hu... Kitabon ke ilm ki parwah kon karta hai ajkal, Mai kore panne pe likhi baat hu mit'tta jaa raha hu... Ab himmat kaha se lau jo zamane ki sochu.. Mai to apni hi soch me bant'ta jaa raha hu..!!
Read more